Here and there does not matter
We must be still and still moving

osculetur me osculo oris sui quia meliora sunt ubera tua vino

nigra sum sed formonsa filiae Hierusalem sicut tabernacula Cedar sicut pelles Salomonis

fasciculus murrae dilectus meus mihi inter ubera mea commorabitur

ego flos campi et lilium convallium

leva eius sub capite meo et dextera illius amplexabitur me

et dilectus meus loquitur mihi surge propera amica mea formonsa mea et veni
iam enim hiemps transiit imber abiit et recessit
flores apparuerunt in terra tempus putationis advenit vox turturis audita est in terra nostra

dilectus meus mihi et ego illi qui pascitur inter lilia
donec adspiret dies et inclinentur umbrae revertere similis esto dilecte mi capreae aut hinulo cervorum super montes Bether

paululum cum pertransissem eos inveni quem diligit anima mea tenui eum nec dimittam donec introducam illum in domum matris meae et in cubiculum genetricis meae

vulnerasti cor meum soror mea sponsa vulnerasti cor meum in uno oculorum tuorum et in uno crine colli tui

quam pulchrae sunt mammae tuae soror mea sponsa pulchriora ubera tua vino et odor unguentorum tuorum super omnia aromata

ego dormio et cor meum vigilat vox dilecti mei pulsantis aperi mihi soror mea amica mea columba mea inmaculata mea quia caput meum plenum est rore et cincinni mei guttis noctium

pessulum ostii aperui dilecto meo at ille declinaverat atque transierat anima mea liquefacta est ut locutus est quaesivi et non inveni illum vocavi et non respondit mihi

averte oculos tuos a me quia ipsi me avolare fecerunt

quae est ista quae progreditur quasi aurora consurgens pulchra ut luna electa ut sol terribilis ut acies ordinata

quid videbis in Sulamiten nisi choros castrorum quam pulchri sunt gressus tui in calciamentis filia principis iunctura feminum tuorum sicut monilia quae fabricata sunt manu artificis
umbilicus tuus crater tornatilis numquam indigens poculis venter tuus sicut acervus tritici vallatus liliis
duo ubera tua sicut duo hinuli gemelli capreae
collum tuum sicut turris eburnea oculi tui sicut piscinae in Esebon quae sunt in porta filiae multitudinis nasus tuus sicut turris Libani quae respicit contra Damascum
caput tuum ut Carmelus et comae capitis tui sicut purpura regis vincta canalibus
quam pulchra es et quam decora carissima in deliciis

quis mihi det te fratrem meum sugentem ubera matris meae ut inveniam te foris et deosculer et iam me nemo despiciat

pone me ut signaculum super cor tuum ut signaculum super brachium tuum quia fortis est ut mors dilectio dura sicut inferus aemulatio lampades eius lampades ignis atque flammarum
aquae multae non poterunt extinguere caritatem nec flumina obruent illam si dederit homo omnem substantiam domus suae pro dilectione quasi nihil despicient eum